Terms and Conditions

TIMOR GO

TERMU NO KONDISAUN SIRA

Versaun 1.0

Data Efetivu: __________________

KAPÍTULU I

PROVIZAUN JERÁL

Artigu 1

Objetivu

Termu no Kondisaun sira-ne'e ("Termu no Kondisaun") estabelese direitu, obrigasaun, responsabilidade, no regra legál sira ne'ebé regula asesu no utilizasaun Plataforma TIMOR GO.

Dokumentu ida-ne'e nu'udar akordu legál ne'ebé iha forsa obrigatória entre TIMOR GO no ema hotu ne'ebé asesu ka uza Plataforma, inklui Utilizadór, Kondutór, Prestadór Servisu, Parseiru Negósiu no entidade sira seluk.

Objetivu husi Termu no Kondisaun sira-ne'e mak:

regula utilizasaun Plataforma TIMOR GO;
garante transparénsia, responsabilidade no boa-fé entre parte sira;
proteje direitu no interese legál TIMOR GO, Utilizadór no Kondutór;
promove servisu transporte dijitál ne'ebé seguru, efisiente no fiável;
garante katak operasaun TIMOR GO hala'o tuir Konstituisaun, lei no regulamentu sira ne'ebé vigora iha Repúblika Demokrátika Timor-Leste.

Artigu 2

Definisaun

Iha Termu no Kondisaun sira-ne'e, liafuan sira tuirmai iha signifikadu hanesan:

"TIMOR GO" katak plataforma mobilidade dijitál ne'ebé Media Mudansa, Lda. opera, ka entidade legál seluk ne'ebé nomeia ofisialmente atu jere no administra Plataforma.

"Plataforma" katak aplikasaun telemóvel, website, software, dashboard, servidor, sistema informátiku no infraestrutura dijitál hotu ne'ebé TIMOR GO uza atu fornese servisu.

"Aplikasaun" katak aplikasaun telemóvel TIMOR GO ne'ebé bele instala iha dispositivu eletróniku.

"Utilizadór" katak ema ida-ne'ebé rejista no uza Plataforma atu husu, simu ka asesu servisu ne'ebé TIMOR GO fornese.

"Kondutór" ka "Prestadór Servisu" katak ema ida ka entidade ida-ne'ebé TIMOR GO aprova ofisialmente atu presta servisu liuhosi Plataforma.

"Konta" katak konta eletrónika ida-ne'ebé Utilizadór ka Kondutór kria iha Plataforma.

"Rezerva (Booking)" katak pedidu servisu ida-ne'ebé Utilizadór haruka liuhosi Plataforma.

"Viajen (Trip)" katak servisu transporte hosi fatin hahú ba fatin destinasaun ne'ebé Utilizadór hili.

"Tarifa" katak montante osan ne'ebé Utilizadór tenke selu ba servisu.

"Dadus Pesoál" katak informasaun hotu ne'ebé bele identifika ema ida direta ka indireta.

"Lei Aplikável" katak Konstituisaun, lei, regulamentu, diploma ministerial, regulamentu administrativu no instrumentu legál hotu ne'ebé vigora iha Repúblika Demokrátika Timor-Leste.

Artigu 3

Ámbitu Aplikasaun

Termu no Kondisaun sira-ne'e aplika ba:

Utilizadór hotu;
Kondutór hotu;
Prestadór Servisu hotu;
Parseiru Negósiu hotu;
Kompañia, organizasaun ka entidade seluk ne'ebé kolabora ho TIMOR GO;
Vizitante hotu ne'ebé asesu Plataforma.

Termu no Kondisaun sira-ne'e regula servisu hotu ne'ebé TIMOR GO fornese agora no servisu seluk ne'ebé sei dezenvolve iha futuru.

Polítika, regulamentu ka prosedimentu ofisiál seluk ne'ebé TIMOR GO publika sei konsidera nu'udar parte integrante husi Termu no Kondisaun sira-ne'e.

Artigu 4

Simu no Aseita Termu no Kondisaun

Bainhira ema ida download, instala, rejista, asesu ka uza Plataforma TIMOR GO, ema ne'e konsidera legálmente katak:

lee tiha Termu no Kondisaun sira-ne'e;
komprende direitu no obrigasaun sira ne'ebé hakerek iha dokumentu ida-ne'e;
simu no konkorda atu kumpre Termu no Kondisaun sira-ne'e;
kompromete atu halo utilizasaun Plataforma tuir lei no regulamentu ne'ebé vigora.

Karik ema ida la konkorda ho Termu no Kondisaun sira-ne'e, ema ne'e tenke para uza Plataforma imediatamente.

Artigu 5

Lei Aplikável

Termu no Kondisaun sira-ne'e sei interpreta no aplika tuir Konstituisaun no lei sira Repúblika Demokrátika Timor-Leste.

Utilizadór no Kondutór hotu tenke kumpre lei no regulamentu relevante, inklui:

lei transporte;
lei proteksaun konsumidór;
lei tranzasaun eletrónika;
lei fiskál;
lei kona-ba privasidade no protesaun dadus;
kódiku Penál Timor-Leste; no
regulamentu governamentál seluk ne'ebé aplika ba operasaun TIMOR GO.

Hahalok ne'ebé konsidera krime tuir Código Penál Timor-Leste sei sai responsabilidade pesoál husi ema ne'ebé komete hahalok refere, no TIMOR GO bele foti medida administrativa no koopera ho autoridade kompetente tuir lei.

Artigu 6

Alterasaun ba Termu no Kondisaun

TIMOR GO bele altera, atualiza ka halo revizaun Termu no Kondisaun sira-ne'e bainhira nesesáriu tanba mudansa legál, operasionál, teknolójika ka komersiál.

Bainhira alterasaun ruma akontese, TIMOR GO sei fo notifikasaun liuhosi aplikasaun, website ofisiál ka meiu komunikasaun ofisiál seluk.

Kontinua uza Plataforma depois alterasaun tama iha vigór konsidera katak Utilizadór simu no konkorda ho versaun foun.

Artigu 7

Separabilidade

Karik tribunal ka autoridade kompetente deside katak dispozisaun ida iha Termu no Kondisaun sira-ne'e inválidu ka la bele aplika, dispozisaun seluk hotu sei kontinua iha forsa legál tomak.

Artigu 8

Akordu Tomak

Termu no Kondisaun sira-ne'e, hamutuk ho Polítika Privasidade, Polítika Seguransa, Polítika Pagamentu no dokumentu ofisiál seluk ne'ebé TIMOR GO publika, forma akordu kompletu entre TIMOR GO no Utilizadór kona-ba utilizasaun Plataforma.

Artigu 9

Lian Ofisiál

Versaun legál ofisiál husi Termu no Kondisaun sira-ne'e mak lian Inglés.

TIMOR GO bele publika versaun Tetun, Português ka lian seluk atu fasilita komprensaun Utilizadór.

Bainhira iha diferensa interpretasaun entre tradusaun no versaun legál ofisiál, versaun Inglés sei prevalese, salvu se lei Repúblika Demokrátika Timor-Leste determina oin seluk.

KAPÍTULU II

KONTA UTILIZADÓR

Artigu 10

Kriteria Atu Bele Rejista

Atu bele kria Konta Utilizadór iha Plataforma TIMOR GO, ema ida tenke kumpre rekizitu sira tuirmai:

iha kapasidade legál atu halo akordu tuir lei Repúblika Demokratika Timor-Leste;
iha idade mínimu tinan 18 ka idade seluk ne'ebé lei determina;
fornese informasaun loos, kompletu no atualizadu;
iha númeru telemóvel válidu; no
simu no konkorda ho Termu no Kondisaun sira-ne'e.

TIMOR GO bele rejeita pedidu rejistu ne'ebé la kumpre rekizitu sira iha númeru anteriór ka ne'ebé bele lori risku ba seguransa, integridade no boa operasaun Plataforma.

Artigu 11

Rejistu Konta

Utilizadór ida-idak tenke rejista Konta molok bele uza servisu ne'ebé TIMOR GO fornese.

Bainhira halo rejistu, Utilizadór tenke fornese informasaun loos no kompletu, inklui:

naran kompletu;
númeru telemóvel;
enderesu email (karik aplika);
data moris (karik presiza);
informasaun seluk ne'ebé TIMOR GO husu ba fins verifikasaun.

Utilizadór responsabiliza-an atu atualiza informasaun ne'ebé muda atu garante katak dadus hotu kontinua loos no atual.

Artigu 12

Verifikasaun Identidade (Know Your Customer – KYC)

TIMOR GO bele halo prosesu verifikasaun identidade atu garante katak Utilizadór ne'ebé rejista iha Plataforma mak loos.

Prosesu verifikasaun bele inklui:

Billete de Identidade, Pasaporte ka dokumentu ofisiál seluk;
fotografia ka selfie ba fins verifikasaun;
konfirmasaun númeru telemóvel;
dokumentu seluk ne'ebé TIMOR GO konsidera nesesáriu tuir lei.

TIMOR GO bele suspende ka rejeita pedidu rejistu bainhira:

informasaun falsu ka bosok fornese;
dokumentu la bele verifika;
suspeita fraude ka atividade ilegál;
utilizasaun Konta bele lori risku ba Plataforma ka ba Utilizadór seluk.

Artigu 13

Seguransa Konta

Utilizadór mak responsável ba seguransa nia Konta.

Utilizadór tenke:

rai segredu password no kode verifikasaun (OTP);
la fó asesu ba ema seluk atu uza nia Konta;
muda password bainhira suspeita katak ema seluk asesu ona nia Konta;
informa TIMOR GO imediatamente bainhira suspeita asesu ilegál.

TIMOR GO la responsabiliza ba prejuízu ne'ebé mosu tanba Utilizadór la halo kuidadu ba seguransa nia Konta.

Artigu 14

Konta Ida De'it

Utilizadór ida-idak bele iha de'it Konta pesoál ida, salvu se TIMOR GO fó autorizasaun eskrita.

Proibidu:

kria Konta barak ho identidade hanesan;
uza identidade ema seluk;
fa'an, aluga, transfere ka empresta Konta ba ema seluk;
simu ka uza Konta ne'ebé la'ós nia rasik.

TIMOR GO bele suspende ka taka permanente Konta ne'ebé viola dispozisaun sira-ne'e.

Artigu 15

Loos no Atualidade Dadus

Utilizadór tenke garante katak informasaun hotu ne'ebé fornese ba TIMOR GO mak loos, kompletu no atual.

Bainhira iha mudansa ba:

naran;
númeru telemóvel;
email;
enderesu;
forma pagamentu;
informasaun importante seluk;

Utilizadór tenke atualiza imediatamente.

TIMOR GO la responsabiliza ba prejuízu ne'ebé mosu tanba informasaun sala ka la atualiza.

Artigu 16

Suspensaun Konta

TIMOR GO bele suspende temporariamente Konta Utilizadór bainhira:

viola Termu no Kondisaun sira-ne'e;
iha suspeita fraude;
iha risku seguransa;
la kumpre prosesu verifikasaun;
uza Plataforma ba atividade ilegál;
simu reklamasaun grave ne'ebé presiza investigasaun.

Durante suspensaun, Utilizadór bele perde asesu ba parte ka tomak servisu TIMOR GO.

Artigu 17

Taka Permanente Konta

TIMOR GO bele taka permanente Konta bainhira:

Utilizadór viola repetidamente Termu no Kondisaun;
komete fraude;
uza dokumentu falsu;
komete atividade kriminál;
ameasa ka prejudika seguransa Utilizadór seluk, Kondutór ka públiku;
autoridade kompetente husu tuir lei.

Taka Konta la hasai responsabilidade legál ne'ebé mosu antes desizaun taka Konta.

Artigu 18

Obrigasaun Utilizadór

Utilizadór ida-idak tenke:

uza Plataforma ho boa-fé;
respeita Kondutór, Utilizadór seluk no funsionáriu TIMOR GO;
selu tarifa tuir regra Plataforma;
la uza Plataforma ba objetivu ilegál;
fó informasaun loos;
relata imediatamente fraude, akidente, violasaun seguransa ka atividade kriminál ne'ebé akontese iha Plataforma.

Artigu 19

Kooperasaun ba Investigasaun

Utilizadór tenke koopera ho investigasaun ne'ebé TIMOR GO halo kona-ba reklamasaun, fraude, akidente, violasaun Termu no Kondisaun ka atividade ilegál.

Bainhira lei obriga, TIMOR GO bele rai no entrega informasaun relevante ba Polícia Nacional Timor-Leste (PNTL), Ministério Público, Tribunal ka autoridade kompetente seluk.

Kooperasaun ida-ne'e sei halo tuir lei Repúblika Demokratika Timor-Leste no respeita direitu privasidade Utilizadór tuir Polítika Privasidade TIMOR GO.

KAPÍTULU III

SERVISU

Artigu 20

Natureza Servisu TIMOR GO

TIMOR GO mak plataforma teknolójia dijitál ne'ebé liga Utilizadór ho Kondutór, Prestadór Servisu, Parceiru Negósiu no entidade seluk liuhosi aplikasaun telemóvel no sistema eletróniku.

TIMOR GO la'ós kompanhia transporte, salvu bainhira lei ka kontratu ida determina oin seluk.

Servisu transporte no servisu seluk ne'ebé disponivel iha Plataforma presta diretamente husi Kondutór ka Prestadór Servisu independente ne'ebé rejista no aprova husi TIMOR GO.

TIMOR GO nia papel prinsipal mak:

fasilita ligasaun entre Utilizadór no Kondutór;
gere Plataforma dijitál;
facilita prosesu rezerva;
fasilita prosesu pagamentu;
fornese apoiu ba atendimentu kliente; no
promove seguransa, qualidade no efisiénsia servisu.

Artigu 21

Tipu Servisu

TIMOR GO bele fornese servisu sira tuirmai:

servisu transporte ba pasajeiru;
servisu transporte motorizada;
servisu entrega (Delivery);
servisu estafeta (Courier);
servisu lojístika;
servisu dijitál seluk ne'ebé TIMOR GO dezenvolve iha futuru.

TIMOR GO bele aumenta, reduz, altera ka para servisu ruma bainhira konsidera nesesáriu tuir nesesidade negósiu, operasaun ka obrigasaun legál.

Artigu 22

Pedidu Servisu (Booking)

Utilizadór bele husu servisu liuhosi Plataforma TIMOR GO.

Pedidu servisu normalmente sei liu hosi etapa sira tuirmai:

tama ba Konta TIMOR GO;
hili tipu servisu;
hatama fatin atu foti (Pick-up);
hatama destinasaun;
haree estimativa tarifa;
haruka pedidu;
simu Kondutór;
hahú servisu;
remata servisu;
halo pagamentu;
halo avaliasaun (Rating) no komentáriu.

Pedidu servisu konsidera simu de'it bainhira Kondutór ida simu ona pedidu refere.

TIMOR GO la garante katak Kondutór sei disponivel iha tempu hotu.

Artigu 23

Atribuisaun Kondutór

Plataforma sei automaticamente hili Kondutór ne'ebé disponivel.

Sistema bele konsidera buat sira tuirmai:

distánsia;
lokalizasaun;
disponibilidade;
tipu servisu;
nivel avaliasaun;
kapasidade operasionál;
konsiderasaun seguransa.

TIMOR GO la garante katak Kondutór ne'ebé besik liu mak sei simu pedidu.

Artigu 24

Disponibilidade Servisu

Servisu TIMOR GO disponivel de'it iha área ne'ebé Plataforma opera oficialmente.

Disponibilidade servisu bele muda tanba:

tempu aat;
tranzitu;
desastre naturál;
problema internet;
manutensaun sistema;
instrusaun autoridade kompetente;
sirkunstánsia seluk ne'ebé TIMOR GO la bele kontrola.

TIMOR GO bele suspende servisu temporariamente bainhira presiza atu proteje seguransa públika ka halo manutensaun sistema.

Artigu 25

Estimativa Tempu To'o

Tempu to'o ne'ebé Plataforma hatudu mak estimativa de'it.

Tempu ida-ne'e bele muda tanba:

kondisaun dalan;
tranzitu;
tempu;
akidente;
fator operasionál seluk.

TIMOR GO la responsabiliza bainhira estimativa ne'e la hanesan tempu real.

Artigu 26

Remata Servisu

Servisu konsidera remata bainhira:

Utilizadór to'o iha destinasaun ne'ebé konkorda ona; ka
servisu seluk ne'ebé husu remata ona.

Depois servisu remata:

tarifa sei kalkula;
Utilizadór tenke halo pagamentu;
Utilizadór no Kondutór bele halo Rating no Feedback.

Artigu 27

Kanselamentu Servisu

Utilizadór bele kansela pedidu servisu antes Kondutór to'o.

Kondutór bele kansela servisu bainhira:

Utilizadór la bele kontaktu;
Utilizadór la mai iha fatin ne'ebé konkorda;
iha risku seguransa;
servisu labele kontinua tanba razaun legál ka operasionál.

Kanselamentu repetitivu lahó razaun loos bele lori:

avizu;
suspensaun temporária;
limitasaun servisu;
medida administrativa seluk.

Artigu 28

Avaliasaun no Komentáriu

Depois servisu remata, Utilizadór no Kondutór bele fó avaliasaun ba malu.

Avaliasaun tenke:

loos;
objetiva;
respeitu;
la iha intensaun atu prejudika ema seluk.

TIMOR GO bele hasai Rating ka komentáriu ne'ebé:

bosok;
ofende ema;
diskrimina;
la tuir realidade;
viola Termu no Kondisaun sira-ne'e.

Artigu 29

Apoiu ba Kliente

TIMOR GO sei disponibiliza kanal komunikasaun ofisiál ba:

reklamasaun;
pergunta;
asisténsia;
akidente;
sasán lakon;
problema pagamentu;
problema tekniku.

TIMOR GO sei halo esforsu razoável atu responde reklamasaun no pedidu asisténsia ho lalais.

Submete reklamasaun la signifika automaticamente katak pedidu Utilizadór sei aprova.

Artigu 30

Mudansa ba Servisu

TIMOR GO bele:

aumenta servisu foun;
altera servisu;
suspende servisu;
para servisu ruma;
atualiza Plataforma.

Bainhira mudansa importante akontese, TIMOR GO sei fó notifikasaun ba Utilizadór liuhosi Plataforma ka website ofisiál.

Artigu 31

La Iha Garantia Servisu Kontínua

TIMOR GO sei halo esforsu atu Plataforma funsiona ho estabilidade no seguransa.

Maske nune'e, TIMOR GO la garante katak Plataforma sei funsiona continuamente lahó interrupsaun.

Interrupsaun bele akontese tanba:

manutensaun;
atualizasaun software;
problema internet;
problema eletrisidade;
siber-atake;
forsa maior; ka
sirkunstánsia seluk ne'ebé TIMOR GO la bele kontrola.

KAPÍTULU IV

PAGAMENTU

Artigu 32

Kalkulasaun Tarifa

Tarifa ba servisu ida-idak sei kalkula tuir mekanizmu ne'ebé TIMOR GO estabelese.

Bainhira determina tarifa, TIMOR GO bele konsidera fator sira tuirmai:

tarifa baze;
distánsia viajen;
durasaun viajen;
tipu servisu;
oras operasaun;
taxa ba ponte, parkizasaun ka kustu obrigatóriu seluk (karik aplika);
promosaun ka deskontu;
fator operasionál seluk ne'ebé TIMOR GO determina.

Tarifa ne'ebé Plataforma hatudu antes booking mak estimativa. Tarifa final bele muda bainhira iha mudansa ne'ebé akontese durante prestasaun servisu.

TIMOR GO bele atualiza politika kalkulasaun tarifa bainhira nesesáriu, ho notifikasaun apropriadu ba Utilizadór.

Artigu 33

Forma Pagamentu

Utilizadór tenke halo pagamentu ba servisu liuhosi forma pagamentu ne'ebé TIMOR GO aprova.

Forma pagamentu bele inklui:

osan kontante (Cash);
transferénsia bankária;
kartaun débitu;
kartaun kréditu;
carteira dijitál (Digital Wallet);
QR Payment;
forma pagamentu eletróniku seluk ne'ebé TIMOR GO aprova.

TIMOR GO bele aumenta, reduz ka muda forma pagamentu tuir dezenvolvimentu teknolójia no regulamentu aplicável.

Artigu 34

Autorizasaun Pagamentu

Bainhira Utilizadór hili forma pagamentu eletróniku, konsidera katak Utilizadór autoriza TIMOR GO ka prestadór servisu pagamentu ne'ebé autorizadu atu prosesa tranzasaun refere.

Utilizadór garante katak nia iha direitu legál atu uza konta bankária, kartaun ka meiu pagamentu ne'ebé hili.

Bainhira pagamentu la bele prosesa, TIMOR GO bele suspende tranzasaun ka limita asesu ba servisu to'o obrigasaun pagamentu kumpre.

Artigu 35

Prosesamentu Pagamentu

Pagamentu bele prosesa diretamente husi TIMOR GO ka liuhosi prestadór servisu pagamentu ne'ebé autorizadu.

TIMOR GO la responsabiliza ba atrazu ka falha ne'ebé mosu tanba problema iha banku, gateway pagamentu, internet, ka prestadór servisu terceiru.

Tranzasaun eletrónika sei sujeitu mós ba termu no kondisaun husi prestadór servisu pagamentu relevante.

Artigu 36

Taxa Kanselamentu

Utilizadór bele sujeitu ba taxa kanselamentu bainhira:

kansela booking depois Kondutór simu pedidu;
la mai iha fatin foti durante tempu espera ne'ebé Plataforma determina;
halo kanselamentu repetidamente lahó razaun loos;
iha sirkunstánsia seluk ne'ebé Polítika Kanselamentu TIMOR GO determina.

Taxa kanselamentu, bainhira aplika, sei hatudu klaramente iha Plataforma.

Artigu 37

Reembolsu (Refund)

Utilizadór bele husu reembolsu bainhira hanoin katak pagamentu ne'ebé halo la loos.

Pedidu reembolsu tenke submete liuhosi kanal ofisiál TIMOR GO durante prazu ne'ebé TIMOR GO determina.

TIMOR GO sei avalia kada pedidu bazeia ba evidénsia no sirkunstánsia kazu ida-idak.

Reembolsu bele aprova bainhira:

pagamentu duplu akontese;
tarifa kalkula sala;
sistema halo erru;
pagamentu halo ona maibé servisu la presta;
sirkunstánsia esepsionál seluk ne'ebé TIMOR GO konsidera razoável.

Bainhira bele, reembolsu sei halo liuhosi forma pagamentu ne'ebé Utilizadór uza bainhira halo tranzasaun.

Artigu 38

Promosaun no Deskontu

TIMOR GO bele organiza promosaun, voucher, deskontu, programa referénsia ka benefísiu seluk.

Promosaun ida-idak sei iha nia termu no kondisaun rasik.

TIMOR GO bele altera, suspende ka hakotu promosaun bainhira nesesáriu.

Utilizadór ne'ebé halo fraude atu hetan promosaun bele hetan suspensaun ka taka permanente nia Konta.

Artigu 39

Pagamentu Ne'ebé Seidauk Selu

Utilizadór responsabiliza-an atu selu hotu tarifa no taxa ne'ebé mosu tanba utilizasaun Plataforma.

Bainhira iha dívida ka pagamentu ne'ebé seidauk remata, TIMOR GO bele:

suspende temporariamente Konta;
limita asesu ba servisu;
halo prosedimentu rekolla dívida tuir lei;
foti medida administrativa ka legál seluk ne'ebé lei permite.

Artigu 40

Fraude Pagamentu

Proibidu:

uza kartaun ka konta bankária ne'ebé la iha autorizasaun;
fó informasaun pagamentu falsu;
evita pagamentu ba servisu ne'ebé remata;
manipula sistema pagamentu;
komete fraude finanseira iha Plataforma.

Bainhira TIMOR GO identifika fraude pagamentu, bele foti medida sira tuirmai:

suspende imediatamente Konta;
taka permanente Konta;
kansela tranzasaun;
relata ba autoridade kompetente;
halo prosedimentu sivil ka penal tuir lei aplicável.

Artigu 41

Impostu no Taxa Governu

Utilizadór no Kondutór responsabiliza-an atu kumpre obrigasaun fiskál ne'ebé lei determina.

TIMOR GO sei kumpre obrigasaun fiskál no relatóriu finanseiru tuir lei Repúblika Demokratika Timor-Leste.

Artigu 42

Rekordu Pagamentu

TIMOR GO bele rai rekordu eletróniku kona-ba:

booking;
tarifa;
fatura;
resibu;
tranzasaun;
reembolsu;
informasaun finanseira relevante seluk.

Rekordu sira-ne'e bele uza ba:

atendimentu kliente;
auditoria;
rekonsiliasaun finanseira;
rezolusaun disputa;
prevensaun fraude;
kumprimentu obrigasaun legál.

Artigu 43

Moeda

Salvu bainhira TIMOR GO determina oin seluk, tarifa, taxa, komisaun no pagamentu hotu iha Plataforma sei uza Dólar Estadu Unidu (USD), nu'udar moeda ofisiál Repúblika Demokratika Timor-Leste.

Bainhira TIMOR GO introdúz moeda ka forma pagamentu seluk iha futuru, informasaun kona-ba taxa troka no valor tranzasaun sei hatudu klaramente antes Utilizadór confirma pagamentu.

KAPÍTULU V

DIREITU NO OBRIGASAUN

Artigu 44

Direitu TIMOR GO

TIMOR GO iha direitu atu:

administra, dezenvolve no opera Plataforma TIMOR GO;
estabelese, altera no implementa polítika, prosedimentu no padraun operasionál;
verifica identidade no elegibilidade Utilizadór, Kondutór, Prestadór Servisu no Parceiru Negósiu;
halo monitorizasaun ba utilizasaun Plataforma atu garante seguransa, qualidade no kumprimentu ba Termu no Kondisaun sira-ne'e;
suspende, limita ka taka Konta bainhira iha violasaun ba Termu no Kondisaun sira-ne'e;
investiga reklamasaun, fraude, akidente, atividade ilegál ka violasaun seluk;
kobra tarifa, komisaun, taxa administrativu ka pagamentu seluk ne'ebé aplika;
koopera ho autoridade kompetente bainhira lei obriga ka bainhira nesesáriu atu proteje seguransa públika.

Artigu 45

Obrigasaun TIMOR GO

TIMOR GO tenke:

halo esforsu razoável atu garante Plataforma funsiona ho estabilidade no seguransa;
fó informasaun klaru kona-ba tarifa, taxa, komisaun no servisu;
proteje Dadus Pesoál Utilizadór tuir Polítika Privasidade TIMOR GO no lei aplikável;
prepara kanal atendimentu kliente atu simu reklamasaun, pergunta no pedidu asisténsia;
trata reklamasaun ho maneira imparsiál, transparente no razoável;
halo manutensaun no atualizasaun Plataforma bainhira nesesáriu;
kumpre Konstituisaun, lei no regulamentu Repúblika Demokratika Timor-Leste.

Artigu 46

Direitu Utilizadór

Utilizadór iha direitu atu:

asesu no uza Plataforma tuir Termu no Kondisaun sira-ne'e;
simu informasaun loos kona-ba servisu, tarifa no forma pagamentu;
simu tratamentu ho respeitu, dignidade no la diskriminasaun;
husu apoiu husi TIMOR GO bainhira iha problema durante utilizasaun Plataforma;
halo reklamasaun, sujestaun ka komentáriu liuhosi kanal ofisiál;
proteje nia Dadus Pesoál tuir Polítika Privasidade TIMOR GO;
simu resibu ka prova pagamentu bainhira halo tranzasaun.

Artigu 47

Obrigasaun Utilizadór

Utilizadór tenke:

fó informasaun loos no atualizadu;
selu tarifa no taxa hotu ne'ebé aplika;
respeita Kondutór, Utilizadór seluk no funsionáriu TIMOR GO;
kumpre lei no regulamentu hotu ne'ebé aplika;
la halo asaun ne'ebé bele prejudika Plataforma ka ema seluk;
la uza Plataforma atu halo atividade ilegál;
relata imediatamente fraude, akidente, violasaun seguransa ka atividade kriminál ne'ebé akontese.

Artigu 48

Direitu Kondutór no Prestadór Servisu

Kondutór no Prestadór Servisu iha direitu atu:

simu pedidu servisu liuhosi Plataforma;
simu pagamentu tuir tarifa no komisaun ne'ebé aplika;
kansela pedidu servisu bainhira iha razaun seguransa, legál ka operasionál;
relata Utilizadór ne'ebé halo violasaun ba Termu no Kondisaun;
simu apoiu husi TIMOR GO bainhira iha reklamasaun, akidente ka disputa.

Artigu 49

Obrigasaun Kondutór no Prestadór Servisu

Kondutór no Prestadór Servisu tenke:

iha lisensa kondusaun válidu no dokumentu hotu ne'ebé lei exige;
garante katak veíkulu iha kondisaun di'ak, seguru no limpu;
kumpre lei tranzitu, regulamentu transporte no instrusaun autoridade kompetente;
presta servisu ho profissionalizmu, respeitu no responsabilidade;
la halo diskriminasaun, intimida, ameasa, asédiu ka violénsia;
informa TIMOR GO imediatamente bainhira akontese akidente, emerjénsia ka atividade ilegál;
atualiza dokumentu no informasaun bainhira muda.

Artigu 50

Responsabilidade Hamutuk

TIMOR GO, Utilizadór, Kondutór, Prestadór Servisu no Parceiru Negósiu hotu tenke:

halo asaun ho boa-fé;
respeita malu nia direitu, dignidade no privasidade;
koopera atu rezolve reklamasaun no disputa;
promove ambiente ne'ebé seguru, inkluzivu no livre husi violénsia;
kumpre Termu no Kondisaun sira-ne'e.

Artigu 51

La Diskriminasaun

Proibidu diskrimina ema ida tanba:

rasa;
kor;
orijen étniku;
lian;
relijiaun;
sexu;
identidade jéneru;
orientasaun seksuál ne'ebé protejidu tuir lei;
idade;
defisiénsia;
nasionalidade;
estatutu legál ka sosial seluk ne'ebé lei protege.

Violasaun ba dispozisaun ida-ne'e bele lori medida disiplinár, suspensaun ka taka permanente Konta.

Artigu 52

Boa-fé no Integridade

Parte hotu ne'ebé uza Plataforma tenke halo asaun ho onestidade, integridade no responsabilidade.

Proibidu uza Plataforma atu:

manipula sistema;
hetan benefísiu ne'ebé la loos;
prejudika TIMOR GO ka ema seluk;
viola Termu no Kondisaun sira-ne'e.

Artigu 53

Responsabilidade Legál

Utilizadór no Kondutór ida-idak responsabiliza-an ba hahalok rasik bainhira uza Plataforma.

Bainhira Utilizadór ka Kondutór komete violasaun administrativu, sivil ka kriminál, responsabilidade legál refere sei sai responsabilidade pesoál husi ema ne'ebé komete hahalok refere.

TIMOR GO bele:

fó avizu;
suspende Konta;
taka permanente Konta;
kansela tranzasaun;
relata kazu ba Polícia Nacional Timor-Leste (PNTL), Ministério Público, Tribunal ka autoridade kompetente seluk;
halo asaun legál seluk ne'ebé lei permite.

Medida administrativa TIMOR GO foti tuir Artigu ida-ne'e la elimina responsabilidade sivil ka penal ne'ebé lei Repúblika Demokratika Timor-Leste determina.

KAPÍTULU VI

SEGURANSA

Artigu 54

Kompromisu ba Seguransa

TIMOR GO kompromete atu promove ambiente ne'ebé seguru, protejidu, respeituzu no fiável ba Utilizadór, Kondutór, Prestadór Servisu, Parceiru Negósiu, funsionáriu no komunidade tomak.

Seguransa mak prioridade boot iha prestasaun servisu TIMOR GO. Parte hotu tenke halo asaun atu prevene risku no minimiza akidente.

Utilizadór no Kondutór hotu tenke kumpre regra seguransa ne'ebé hakerek iha Termu no Kondisaun sira-ne'e no Polítika Seguransa TIMOR GO.

Artigu 55

Seguransa Utilizadór

Molok hahú viajen, Utilizadór tenke:

konfirma naran Kondutór;
konfirma númeru matrícula veíkulu;
konfirma fotografia Kondutór (karik disponivel);
konfirma destinasaun ne'ebé hili.

Durante viajen, Utilizadór tenke:

uza sinto seguransa bainhira veíkulu fornese;
uza kapasete bainhira uza motorizada no lei obriga;
la distrai Kondutór durante kondusaun;
respeita instrusaun seguransa ne'ebé Kondutór fó.

Utilizadór tenke relata imediatamente ba TIMOR GO ka autoridade kompetente bainhira iha:

akidente;
ameasa;
tentativa asaltu;
asédiu;
atividade suspeituza;
situasaun emerjénsia seluk.

Artigu 56

Seguransa Kondutór

Kondutór tenke:

kondús veíkulu ho kuidadu no responsabilidade;
kumpre lei tranzitu hotu;
la uza telemóvel ho liman bainhira kondús, salvu bainhira lei permite no la kompromente seguransa;
la kondús bainhira hemu bebida alkoólika, uza droga ilegál ka substánsia ne'ebé bele afeta kondusaun;
para prestasaun servisu bainhira kondisaun saúde la permite kondús ho seguransa.

Kondutór iha direitu atu kansela ka para viajen bainhira:

Utilizadór halo ameasa;
Utilizadór komete violénsia;
Utilizadór lori sasán proibidu;
iha risku boot ba seguransa.

Artigu 57

Rekizitu Seguransa Veíkulu

Veíkulu hotu ne'ebé uza iha Plataforma tenke:

rejistadu legálmente;
iha inspeksaun ne'ebé válidu bainhira lei obriga;
iha lisensa operasionál ne'ebé presiza;
iha sistema travão, luminária, espellu no pneu iha kondisaun di'ak;
limpu no apropriadu ba transporte pasajeiru;
iha apólice seguru obrigatóriu bainhira lei determina.

TIMOR GO bele halo verifikasaun periódika ba dokumentu no kondisaun veíkulu.

Artigu 58

Asisténsia Emerjénsia

TIMOR GO bele disponibiliza funsaun emerjénsia iha Plataforma, inklui:

botaun SOS;
kontaktu emerjénsia;
partilla lokalizasaun viajen;
asisténsia kliente 24 oras (bainhira disponivel).

Funsaun emerjénsia ida-ne'e la substitui obrigasaun Utilizadór ka Kondutór atu kontaktu diretamente Polícia Nacional Timor-Leste, Bombeiros, Ambulánsia ka autoridade kompetente bainhira situasaun emerjénsia akontese.

Artigu 59

Relatóriu Akidente no Insidente

Akidente, estragus, kanek, tentativa krime, perda sasán, ka insidente grave ne'ebé akontese durante utilizasaun Plataforma tenke relata ba TIMOR GO ho lalais.

Bainhira lei obriga, insidente refere tenke relata mós ba autoridade kompetente.

TIMOR GO bele husu:

fotografia;
vídeo;
deklarasaun testemuña;
dokumentu;
evidénsia eletrónika seluk;

atu fasilita investigasaun.

Artigu 60

Hahalok Ne'ebé Prejudika Seguransa

Proibidu:

lori kilat ilegál;
lori esplozivu;
lori droga ilegál;
lori sasán perigosu ne'ebé lei bandu;
halo ameasa;
halo intimidação;
halo violénsia;
estraga veíkulu;
prejudika seguransa públika.

Artigu 61

Alkoól no Droga

Kondutór la bele presta servisu bainhira:

hemu bebida alkoólika;
uza droga ilegál;
uza medikamentu ne'ebé afeta kapasidade kondús.

Utilizadór mós la bele obriga Kondutór atu viola lei ka halo asaun ne'ebé kompromente seguransa.

TIMOR GO bele suspende imediatamente Konta ne'ebé suspeita viola Artigu ida-ne'e.

Artigu 62

Protesaun ba Labarik no Ema Vulnerável

Utilizadór ne'ebé viaja hamutuk ho labarik tenke kumpre rekizitu seguransa ne'ebé lei determina.

Kondutór tenke trata labarik, ema katuas, ema ho defisiénsia no ema vulnerável seluk ho kuidadu no respeitu.

Bainhira iha suspeita kona-ba:

abuzu;
esplorasaun;
trafiku ema;
violénsia doméstika;
krime seluk;

TIMOR GO bele relata ba autoridade kompetente tuir lei.

Artigu 63

Sasán Lakon (Lost and Found)

Utilizadór mak responsável ba nia sasán pesoál durante viajen.

Bainhira sasán lakon iha veíkulu, Utilizadór tenke kontaktu TIMOR GO ho lalais.

Kondutór tenke halo esforsu razoável atu guarda no entrega fila sasán ne'ebé hetan.

TIMOR GO atua de'it nu'udar fasilitadór no la responsabiliza ba sasán ne'ebé la bele hetan fila, salvu bainhira prejuízu mosu tanba neglijénsia direta husi TIMOR GO.

Artigu 64

Investigasaun Seguransa

TIMOR GO bele halo investigasaun bainhira iha:

reklamasaun;
fraude;
akidente;
violénsia;
asédiu;
atividade ilegál;
violasaun Termu no Kondisaun.

Durante investigasaun, TIMOR GO bele:

suspende temporariamente Konta;
husu dokumentu;
entrevista parte relevante;
preserva evidénsia eletrónika;
koopera ho autoridade kompetente.

Investigasaun interna TIMOR GO la impede autoridade públika atu halo investigasaun kriminal ka administrativa tuir lei.

Artigu 65

Edukasaun no Konsiensializasaun Seguransa

TIMOR GO bele organiza:

treinamentu;
kampaña edukasaun;
orientasaun seguransa;
atualizasaun prosedimentu;

atu hasa'e kultura seguransa ba Utilizadór no Kondutór.

Kondutór bele obrigadu participa iha treinamentu obrigatóriu bainhira TIMOR GO determina.

Artigu 66

Kumprimentu Regra Seguransa

Kumpre dispozisaun sira iha Kapítulu ida-ne'e mak kondisaun importante atu kontinua uza Plataforma.

Bainhira Utilizadór ka Kondutór viola regra seguransa, TIMOR GO bele foti medida sira tuirmai:

fó avizu;
suspende temporariamente Konta;
taka permanente Konta;
kansela booking;
relata ba autoridade kompetente;
halo asaun legál seluk tuir lei Repúblika Demokratika Timor-Leste.

KAPÍTULU VII

HAHALOK PROIBIDU

Artigu 67

Hahalok Proibidu Jerál

Utilizadór, Kondutór, Prestadór Servisu, Parceiru Negósiu no ema hotu ne'ebé uza Plataforma TIMOR GO tenke halo asaun ho onestidade, responsabilidade no respeitu ba lei.

Proibidu halo hahalok ne'ebé:

viola Termu no Kondisaun sira-ne'e;
viola lei Repúblika Demokratika Timor-Leste;
prejudika TIMOR GO, Utilizadór, Kondutór ka ema seluk;
ameasa seguransa, estabilidade ka integridade Plataforma.

Artigu 68

Fraude no Bosok

Proibidu:

rejista ho identidade falsu;
uza dokumentu falsu ka altera dokumentu;
finje-an nu'udar ema seluk;
fó informasaun falsu durante rejistu ka verifikasaun;
manipula booking, tarifa, promosaun, insentivu ka komisaun;
hetan benefísiu liuhosi bosok ka fraude.

Hahalok refere bele lori:

suspensaun imediata Konta;
taka permanente Konta;
anulasaun tranzasaun;
obrigasaun atu selu prejuízu;
relatóriu ba autoridade kompetente tuir lei.

Artigu 69

Uza Konta Lahó Autorizasaun

Proibidu:

uza Konta ema seluk;
fó Konta ba ema seluk atu uza;
fa'an, aluga, empresta ka transfere Konta;
kria Konta barak atu evita suspensaun ka hetan vantajen ilegál;
uza bot, software, script ka sistema automatizadu atu manipula Plataforma.

Artigu 70

Atividade Ilegál

Plataforma TIMOR GO la bele uza atu:

transporta droga ilegál;
transporta kilat ilegál;
transporta esplozivu;
transporta sasán ne'ebé lei bandu;
halo trafiku ema;
halo kontrabandu;
halo lavagem osan (money laundering);
halo fraude finanseira;
halo roubu, extorsaun ka krime seluk;
ajuda ka fasilita atividade kriminal ruma.

Artigu 71

Violénsia, Asédiu no Diskriminasaun

TIMOR GO adota política Zero Tolerance ba violénsia no asédiu.

Proibidu:

ameasa ema seluk;
baku ka halo agresaun fizika;
halo asédiu seksuál;
halo intimidasaun;
uza liafuan insultu ka ofensivu;
halo bullying;
diskrimina tanba rasa, relijiaun, jéneru, idade, defisiénsia, nasionalidade ka estatutu seluk ne'ebé lei protege.

Hahalok refere bele lori suspensaun imediata no prosedimentu legál tuir lei.

Artigu 72

Sasán Perigosu no Proibidu

Utilizadór no Kondutór la bele transporta:

kilat;
munisaun;
esplozivu;
droga ilegál;
produtu tóxiku;
materiál radioativu;
animál protejidu ne'ebé lei bandu;
sasán falsifikadu;
sasán seluk ne'ebé lei Timor-Leste bandu.

Artigu 73

Abuzu Plataforma

Proibidu:

estraga Plataforma;
hakerek programa malware;
halo hacking;
asesu sistema lahó autorizasaun;
kopia, modifica ka distribui software TIMOR GO lahó autorizasaun;
halo asaun ne'ebé bele para operasaun Plataforma.

Artigu 74

Abuzu Sistema Pagamentu

Proibidu:

uza kartaun roubadu;
uza konta bankária lahó autorizasaun;
evita pagamentu;
manipula tranzasaun;
halo chargeback fraudulenta;
halo fraude finanseira ruma.

Artigu 75

Reklamasaun no Relatóriu Falsu

Proibidu halo reklamasaun falsu ka akuzasaun lahó prova atu prejudika ema seluk.

Proibidu:

falsifika prova;
muda evidénsia;
fó deklarasaun bosok;
manipula investigasaun.

TIMOR GO bele suspende ka taka Konta ne'ebé komete hahalok refere.

Artigu 76

Kumprimentu Lei Penal

Utilizadór no Kondutór ida-idak responsabiliza-an ba hahalok kriminal ne'ebé nia komete.

Bainhira iha suspeita atividade kriminal, TIMOR GO bele:

preserva rekordu booking;
preserva dadus pagamentu;
preserva GPS no lokalizasaun;
preserva komunikasaun relevante;
preserva evidénsia eletrónika seluk.

Bainhira lei obriga ka autoridade kompetente husu, TIMOR GO bele entrega evidénsia refere ba:

Polícia Nacional Timor-Leste (PNTL);
Ministério Público;
Tribunal;
Komisaun Anti-Korrupsaun (bainhira relevante);
autoridade kompetente seluk tuir lei.

Artigu 77

Medida Administrativa

Bainhira iha violasaun ba Kapítulu ida-ne'e, TIMOR GO bele foti medida sira tuirmai:

fó avizu eskrita;
husu verifikasaun adisionál;
suspende temporariamente Konta;
taka permanente Konta;
kansela booking;
kansela promosaun no benefísiu;
reten pagamentu bainhira lei permite;
relata ba autoridade kompetente;
halo asaun sivil ka penal tuir lei.

Artigu 78

Rezerva Direitu Legál

Medida administrativa TIMOR GO foti tuir Kapítulu ida-ne'e la elimina responsabilidade sivil, administrativa ka penal ne'ebé lei Repúblika Demokratika Timor-Leste determina.

TIMOR GO reserva direitu atu halo asaun legál hodi proteje:

Plataforma;
software;
logo no marka TIMOR GO;
Utilizadór;
Kondutór;
funsionáriu;
Parceiru Negósiu;
patrimóniu no reputasaun TIMOR GO.

Hahalok ne'ebé konsidera krime tuir Código Penal Timor-Leste ka lei seluk sei trata tuir prosedimentu legál ne'ebé autoridade kompetente determina.

KAPÍTULU VIII

PRIVASIDADE NO PROTESAUN DADUS PESOÁL

Artigu 79

Kompromisu ba Privasidade

TIMOR GO respeita no proteje privasidade no Dadus Pesoál Utilizadór, Kondutór, Prestadór Servisu, Parceiru Negósiu no ema hotu ne'ebé uza Plataforma.

TIMOR GO sei kolekta, uza, prosesa, rai no partilla Dadus Pesoál de'it ba objetivu legál, transparente no tuir Termu no Kondisaun sira-ne'e, Polítika Privasidade TIMOR GO no lei aplicável.

Bainhira Utilizadór rejista no uza Plataforma, konsidera katak nia simu no konkorda ba prosesamentu Dadus Pesoál tuir Kapítulu ida-ne'e.

Artigu 80

Tipu Dadus Pesoál Ne'ebé TIMOR GO Kolekta

TIMOR GO bele kolekta Dadus Pesoál hanesan:

naran kompletu;
data moris;
sexu (karik Utilizadór hakarak fó);
númeru telemóvel;
enderesu email;
enderesu hela-fatin;
númeru Billete de Identidade, Pasaporte ka dokumentu identifikasaun seluk;
lisensa kondusaun (ba Kondutór);
informasaun kona-ba veíkulu;
informasaun pagamentu;
dadus lokalizasaun (GPS);
istória booking no viajen;
komunikasaun liuhosi Plataforma;
reklamasaun no atendimentu kliente;
informasaun seluk ne'ebé Utilizadór voluntariamente fornese.

Artigu 81

Finalidade Uza Dadus Pesoál

TIMOR GO bele uza Dadus Pesoál atu:

kria no gere Konta Utilizadór;
halo verifikasaun identidade (KYC);
liga Utilizadór ho Kondutór;
prosesa booking no pagamentu;
fornese atendimentu kliente;
hadi'a qualidade servisu;
prevene fraude no atividade ilegál;
investiga reklamasaun no akidente;
kumpre obrigasaun legál no regulatóriu;
dezenvolve servisu foun;
hala'o auditoria no monitorizasaun interna.

Artigu 82

Dadus Lokalizasaun (GPS)

TIMOR GO bele kolekta informasaun lokalizasaun real-time no istóriku bainhira nesesáriu atu fornese servisu.

Dadus lokalizasaun bele uza atu:

determina fatin foti (Pick-up);
determina destinasaun;
kalkula tarifa;
lokaliza Kondutór;
aumenta seguransa;
investiga akidente no reklamasaun;
hadi'a efisiénsia Plataforma.

Bainhira Utilizadór taka permisaun GPS, funsaun balun iha Plataforma bele la funsiona ho di'ak.

Artigu 83

Partilla Dadus Pesoál

TIMOR GO sei partilla Dadus Pesoál de'it bainhira nesesáriu no tuir lei.

Dadus bele partilla ho:

Kondutór atu remata booking;
prestadór servisu pagamentu;
prestadór servisu teknolójia;
kompanhia seguru (karik aplika);
auditor independente;
autoridade governamentál ne'ebé iha kompeténsia legál;
parte seluk ne'ebé Utilizadór fó autorizasaun.

TIMOR GO la sei fa'an Dadus Pesoál ba parte terseiru ba objetivu komersiál lahó autorizasaun.

Artigu 84

Seguransa Dadus

TIMOR GO sei implementa medida administrativu, tékniku no organizasionál atu proteje Dadus Pesoál husi:

asesu lahó autorizasaun;
lakon;
destruisaun;
alterasaun;
divulgasaun ilegál;
uza sala.

Maske TIMOR GO implementa sistema seguransa razoável, la iha sistema eletróniku ida-ne'ebé bele garante seguransa 100%.

Artigu 85

Armajenamentu no Retensaun Dadus

TIMOR GO sei rai Dadus Pesoál durante períodu ne'ebé nesesáriu atu:

fornese servisu;
kumpre lei;
rezolve disputa;
investiga fraude;
implementa Termu no Kondisaun.

Bainhira períodu retensaun remata, TIMOR GO bele:

apaga Dadus Pesoál;
anonimizadu dadus;
arkiva tuir lei.

Artigu 86

Direitu Utilizadór Kona-ba Dadus Pesoál

Tuir lei aplicável, Utilizadór bele:

asesu nia Dadus Pesoál;
husu hadi'a informasaun sala;
husu apaga dadus bainhira lei permite;
dada fila autorizasaun ba prosesamentu ne'ebé bazeia ba konsentimentu;
husu kopia husi Dadus Pesoál balun;
husu klarifikasaun kona-ba oinsá TIMOR GO uza nia Dadus Pesoál.

TIMOR GO bele rejeita pedidu ida-ne'e bainhira lei obriga atu kontinua rai dadus refere.

Artigu 87

Cookies no Teknolójia Hanesan

TIMOR GO bele uza cookies, analytics no teknolojia hanesan atu:

lembra preferénsia Utilizadór;
hadi'a desempenho Plataforma;
deteta fraude;
analiza utilizasaun Plataforma;
hadi'a esperiénsia Utilizadór.

Utilizadór bele altera konfigurasaun cookies iha nia browser ka dispositivu, maibé ida-ne'e bele afeta funsaun balun iha Plataforma.

Artigu 88

Transferénsia Dadus Ba Rai Seluk

Bainhira nesesáriu ba operasaun Plataforma, TIMOR GO bele rai ka prosesa Dadus Pesoál iha servidor ne'ebé lokaliza iha rai seluk.

TIMOR GO sei implementa medida apropriada atu garante katak transferénsia Dadus Pesoál kontinua iha nivel protesaun razoável no tuir lei aplicável.

Artigu 89

Violasaun Seguransa Dadus (Data Breach)

Bainhira TIMOR GO hatene katak iha violasaun seguransa Dadus Pesoál ne'ebé bele prejudika Utilizadór, TIMOR GO sei:

investiga insidente refere;
minimiza impaktu;
preserva evidénsia;
notifika autoridade kompetente bainhira lei obriga;
notifika Utilizadór afetadu bainhira apropriadu.

Artigu 90

Polítika Privasidade

Polítika Privasidade TIMOR GO forma parte integrante husi Termu no Kondisaun sira-ne'e.

Bainhira iha diferensa interpretasaun entre Kapítulu ida-ne'e no Polítika Privasidade, dispozisaun ne'ebé fó protesaun aas liu ba Dadus Pesoál sei aplika, salvu se lei determina oin seluk.

Utilizadór responsabiliza-an atu lee no komprende Polítika Privasidade TIMOR GO antes kontinua uza Plataforma.

KAPÍTULU IX

PROPRIEDADE INTELEKTUÁL

Artigu 91

Propriedade Intelektuál TIMOR GO

Direitu hotu kona-ba propriedade inteletuál ne'ebé relasiona ho Plataforma TIMOR GO pertense exclusivamente ba TIMOR GO, salvu bainhira hakerek oin seluk iha akordu eskrita.

Propriedade inteletuál ne'ebé protejidu inklui, maibé la limita ba:

naran komersiál TIMOR GO;
logo, símbolu no identidade vizuál;
marka komersiál (Trademark);
software no aplikasaun telemóvel;
website;
interface utilizadór (User Interface);
sistema informátiku;
base de dadus (Database);
dokumentasaun;
deseñu gráfiku;
fotografia;
vídeo;
áudio;
mapa;
algoritmu;
kódigu fonte (Source Code), bainhira aplika;
konteúdu dijitál seluk ne'ebé TIMOR GO produz ka dezenvolve.

Artigu 92

Direitu Autor (Copyright)

Konteúdu hotu iha Plataforma TIMOR GO protejidu tuir lei kona-ba Direitu Autor no propriedade inteletuál ne'ebé vigora.

Lahó autorizasaun eskrita hosi TIMOR GO, ema ida la bele:

kopia;
publika;
distribui;
vende;
modifica;
tradús;
reproduz;
explora komersialmente;
utiliza ba objetivu seluk.

Violasaun ba Direitu Autor bele lori responsabilidade sivil, administrativa no penal tuir lei aplicável.

Artigu 93

Marka Komersiál (Trademark)

Naran TIMOR GO, logo, slogan, símbolu no marka komersiál seluk mak patrimóniu ekskluzivu TIMOR GO.

Proibidu uza marka komersiál TIMOR GO lahó autorizasaun eskrita.

Utilizasaun lahó autorizasaun bele konsidera violasaun direitu propriedade inteletuál no bele lori asaun legál.

Artigu 94

Lisensa Utilizasaun Plataforma

TIMOR GO fó lisensa limitadu, la ekskluzivu, la transferível no revogável ba Utilizadór atu uza Plataforma de'it ba objetivu pesoál no legál.

Lisensa ida-ne'e la transfere propriedade software ka direitu inteletuál ruma ba Utilizadór.

Utilizadór la bele:

fa'an lisensa;
transfere lisensa;
sub-lisensa;
uza Plataforma ba objetivu ilegál.

Artigu 95

Software no Sistema Informátiku

Software, sistema informátiku no aplikasaun TIMOR GO protejidu husi lei kona-ba propriedade inteletuál.

Proibidu:

halo reverse engineering;
deskompila software;
altera software;
kria software derivadu;
asesu sistema internu lahó autorizasaun;
tenta viola seguransa sistema.

Violasaun bele lori suspensaun imediata Konta no prosedimentu legál.

Artigu 96

Base de Dadus

Base de dadus TIMOR GO, inklui informasaun booking, rota, mapa, tranzasaun no estatístika, mak patrimóniu TIMOR GO.

Utilizadór la bele:

kopia base de dadus;
ekstrai informasaun iha eskala boot;
fa'an dadus;
distribui dadus;
uza dadus ba objetivu komersiál lahó autorizasaun.

Artigu 97

Konteúdu Utilizadór

Bainhira Utilizadór upload fotografia, komentáriu, avaliasaun, dokumentu ka konteúdu seluk iha Plataforma, Utilizadór kontinua iha propriedade ba konteúdu refere.

Ho upload konteúdu ba Plataforma, Utilizadór fó ba TIMOR GO lisensa mundial, gratuita, la ekskluziva no revogável, atu:

rai;
uza;
reproduz;
adapta;
publika;
tradús;
distribui;
hatudu;

atu objektivu operasaun Plataforma, marketing, atendimentu kliente no dezenvolvimentu servisu.

Utilizadór garante katak konteúdu ne'ebé upload la viola direitu ema seluk.

Artigu 98

Violasaun Direitu Propriedade Intelektuál

Bainhira TIMOR GO identifika violasaun ba propriedade inteletuál, bele foti medida sira tuirmai:

hasai konteúdu;
suspende Konta;
taka permanente Konta;
emite notifikasaun legál;
husu indemnizasaun prejuízu;
halo asaun sivil no penal tuir lei.

Artigu 99

Feedback no Sujestaun

Bainhira Utilizadór fó ideia, sujestaun ka rekomendasaun atu hadi'a Plataforma, TIMOR GO bele uza ideia refere lahó obrigasaun atu selu kompensasaun, salvu se akordu eskrita determina oin seluk.

Utilizadór deklara katak feedback ne'ebé fó mak nia rasik nia obra no la viola direitu propriedade inteletuál ema seluk.

Artigu 100

Rezerva Direitu

TIMOR GO reserva direitu hotu ne'ebé la fó expressamente ba Utilizadór iha Termu no Kondisaun sira-ne'e.

Laiha dispozisaun ida iha Termu no Kondisaun sira-ne'e ne'ebé bele interpreta hanesan transfere propriedade inteletuál TIMOR GO ba Utilizadór, Kondutór ka parte terseiru.

Protesaun propriedade inteletuál sei kontinua iha vigór maski Konta Utilizadór ka Kondutór remata ka Termu no Kondisaun sira-ne'e la vigora ona.

KAPÍTULU X

RESPONSABILIDADE NO LIMITASAUN RESPONSABILIDADE

Artigu 101

Natureza Responsabilidade TIMOR GO

TIMOR GO nu'udar plataforma teknolójia dijitál ne'ebé fasilita ligasaun entre Utilizadór, Kondutór, Prestadór Servisu no Parceiru Negósiu.

Salvu bainhira lei ka akordu eskrita determina oin seluk, TIMOR GO la'ós prestadór diretu husi servisu transporte, entrega, ka servisu seluk ne'ebé fornese liuhosi Plataforma.

Kondutór no Prestadór Servisu ne'ebé independente mak responsável diretamente ba prestasaun servisu ne'ebé sira halo.

Artigu 102

Responsabilidade Utilizadór

Utilizadór mak responsável ba:

informasaun ne'ebé nia fornese;
utilizasaun nia Konta;
pagamentu hotu ne'ebé aplika;
kumprimentu Termu no Kondisaun sira-ne'e;
kumprimentu lei Repúblika Demokratika Timor-Leste.

Utilizadór sei responsabiliza-an ba prejuízu ne'ebé nia hahalok ka omisaun causa ba TIMOR GO ka parte seluk.

Artigu 103

Responsabilidade Kondutór no Prestadór Servisu

Kondutór no Prestadór Servisu mak responsável diretamente ba:

maneira ne'ebé presta servisu;
seguransa pasajeiru;
kondisaun veíkulu;
kumprimentu lei tranzitu;
lisensa no dokumentu obrigatóriu;
hahalok ne'ebé akontese durante prestasaun servisu.

Kondutór responsabiliza-an ba multa, penalidade, indemnizasaun ka responsabilidade legál ne'ebé mosu tanba nia rasik nia hahalok.

Artigu 104

Limitasaun Responsabilidade TIMOR GO

Iha limite ne'ebé lei permite, TIMOR GO la responsabiliza ba:

atrasu tanba tranzitu;
desastre naturál;
interrupsaun internet;
falha eletrisidade;
falha sistema ne'ebé la bele previne;
hahalok ilegál husi Utilizadór ka Kondutór;
prejuízu indiretu, perda oportunidade, perda negósiu ka perda rendimentu.

TIMOR GO sei halo esforsu razoável atu prevene no minimiza prejuízu, maibé la garante katak Plataforma sei livre husi erru ka interrupsaun.

Artigu 105

Forsa Maior (Force Majeure)

TIMOR GO la responsabiliza ba falha ka atrasu bainhira mosu tanba sirkunstánsia ne'ebé la bele kontrola, inklui:

terremotu;
inundasaun;
ciclone;
pandemia;
guerra;
disturbiu sosiál;
greve jerál;
atake sibernétiku iha eskala boot;
ordem autoridade governamentál;
sirkunstánsia seluk ne'ebé razoavelmente la bele evita.

Bainhira akontese Forsa Maior, TIMOR GO bele suspende temporariamente parte ka tomak nia servisu to'o situasaun normal fila fali.

Artigu 106

Indemnizasaun

Utilizadór no Kondutór konkorda atu indemniza no isenta TIMOR GO, nia diretores, administradores, funsionáriu, reprezentante no Parceiru Negósiu husi responsabilidade ba prejuízu, reklamu, despeza, multa ka prosesu legál ne'ebé mosu tanba:

violasaun ba Termu no Kondisaun sira-ne'e;
violasaun ba lei;
utilizasaun sala Plataforma;
hahalok negligente ka intensionál;
violasaun direitu parte terseiru.

Obrigasaun indemnizasaun kontinua iha vigór maski Konta ka akordu remata ona.

Artigu 107

Seguru (Insurance)

TIMOR GO bele, bainhira apropriadu no tuir lei, kolabora ho kompanhia seguru atu fornese protesaun ba servisu balun.

Laiha dispozisaun ida iha Termu no Kondisaun sira-ne'e ne'ebé interpreta hanesan garantia katak Utilizadór ka Kondutór automaticamente hetan kobertura seguru.

Bainhira iha kobertura seguru, sei sujeitu ba termu no kondisaun husi apólice seguru relevante.

Artigu 108

Reklamasaun no Responsabilidade

Utilizadór ka Kondutór ne'ebé hakarak halo reklamasaun kona-ba servisu tenke submete reklamasaun liuhosi kanal ofisiál TIMOR GO durante prazu ne'ebé Plataforma determina.

TIMOR GO sei investiga reklamasaun ho imparsiálidade no bazeia ba evidénsia disponivel.

Bainhira reklamu envolve responsabilidade kriminal ka sivil, TIMOR GO bele refere kazu ba autoridade kompetente.

Artigu 109

Limite ba Indemnizasaun

Salvu bainhira lei obriga oin seluk, responsabilidade finanseira TIMOR GO ba reklamu ida ne'ebé relasiona diretamente ho servisu ida limitadu ba montante tarifa ne'ebé Utilizadór selu ba servisu refere.

Limitasaun ida-ne'e la aplika bainhira lei Timor-Leste bandu limitasaun responsabilidade ba situasaun espesífika.

Artigu 110

Kontinuidade Responsabilidade

Dispozisaun sira kona-ba responsabilidade, limitasaun responsabilidade, indemnizasaun no protesaun legál iha Kapítulu ida-ne'e kontinua iha vigór maski:

Konta Utilizadór ka Kondutór taka;
servisu remata;
Termu no Kondisaun sira-ne'e la vigora ona.

Direitu legál hotu ne'ebé TIMOR GO iha tuir lei kontinua iha vigór no la limita husi dispozisaun sira iha Kapítulu ida-ne'e.

KAPÍTULU XI

REZOLUSAUN DISPUTA NO LEI APLIKÁVEL

Artigu 111

Lei Aplikável

Termu no Kondisaun sira-ne'e sei interpreta no aplika tuir Konstituisaun no lei sira ne'ebé vigora iha Repúblika Demokratika Timor-Leste.

Direitu no obrigasaun hotu-hotu ne'ebé mosu husi utilizasaun Plataforma TIMOR GO sei sujeitu ba lei aplicável iha Timor-Leste, inklui lei sivil, komersiál, penal, konsumidór, transporte, fiskál no regulamentu governamentál relevante.

Bainhira iha mudansa ba lei ne'ebé afeta operasaun TIMOR GO, Plataforma bele atualiza Termu no Kondisaun sira-ne'e atu adapta ho mudansa legál refere.

Artigu 112

Negosiasaun no Rezolusaun Amigável

Bainhira mosu diferensa, reklamasaun ka disputa entre TIMOR GO no Utilizadór, Kondutór ka Parte Seluk, parte hotu tenke halo esforsu atu rezolve problema refere liuhosi negosiasaun ho boa-fé.

Parte ne'ebé hakarak hato'o reklamasaun tenke submete nia pedidu liuhosi kanal ofisiál TIMOR GO, inklui:

aplikasaun TIMOR GO;
website ofisiál;
email ofisiál;
linha apoiu ba kliente; ka
meiu komunikasaun ofisiál seluk ne'ebé TIMOR GO disponibiliza.

TIMOR GO sei halo esforsu razoável atu responde reklamasaun iha prazu razoável, tuir natureza no kompleksidade kazu.

Artigu 113

Mediasaun

Bainhira disputa la bele rezolve liuhosi negosiasaun, parte sira bele konkorda atu uza mediasaun hanesan mekanizmu alternativa atu rezolve disputa.

Mediasaun sei hala'o ho boa-fé no respeita independénsia no imparsiálidade mediadór.

Partisipasaun iha mediasaun la elimina direitu parte sira atu buka mekanizmu legál seluk bainhira mediasaun la lori rezultadu.

Artigu 114

Jurisdisaun no Tribunal Kompetente

Bainhira disputa la bele rezolve liuhosi negosiasaun ka mediasaun, disputa refere bele submete ba Tribunal kompetente iha Repúblika Demokratika Timor-Leste, tuir lei aplicável.

Tribunal Timor-Leste mak iha kompeténsia atu julga disputa ne'ebé mosu husi Termu no Kondisaun sira-ne'e, salvu bainhira lei determina oin seluk.

Artigu 115

Kooperasaun ho Autoridade Kompetente

TIMOR GO sei koopera ho autoridade kompetente bainhira lei obriga ka bainhira nesesáriu atu prevene, investiga ka prosesa atividade ilegál.

Bainhira hetan pedidu legálmente válidu, TIMOR GO bele disponibiliza informasaun, rekordu eletróniku, tranzasaun, lokalizasaun, ka evidénsia relevante ba:

Polícia Nacional Timor-Leste (PNTL);
Ministério Público;
Tribunal;
Autoridade Reguladora relevante; ka
autoridade kompetente seluk tuir lei.

Kooperasaun ida-ne'e sei halo ho respeitu ba privasidade no direitu fundamentál ema hotu, tuir lei.

Artigu 116

Notifikasaun Ofisiál

TIMOR GO bele haruka notifikasaun ofisiál ba Utilizadór ka Kondutór liuhosi:

aplikasaun TIMOR GO;
SMS;
email;
website ofisiál;
notifikasaun Push (Push Notification); ka
meiu komunikasaun ofisiál seluk.

Notifikasaun konsidera entrega ona bainhira haruka ba informasaun kontaktu ne'ebé Utilizadór ka Kondutór rejista iha Plataforma.

Utilizadór no Kondutór responsabiliza-an atu asegura katak informasaun kontaktu ne'ebé rejista kontinua válidu no atualizadu.

Artigu 117

Alterasaun ba Termu no Kondisaun

TIMOR GO reserva direitu atu altera, aumenta, atualiza ka reviza Termu no Kondisaun sira-ne'e bainhira nesesáriu.

Alterasaun importante sei publika liuhosi Plataforma ka website ofisiál antes tama iha vigór, bainhira razoavelmente bele.

Kontinua uza Plataforma depois alterasaun tama iha vigór konsidera katak Utilizadór no Kondutór simu no konkorda ho versaun foun.

Artigu 118

Separabilidade

Karik tribunal ka autoridade kompetente determina katak dispozisaun ida iha Termu no Kondisaun sira-ne'e inválidu, ilegál ka la bele aplika, dispozisaun seluk hotu sei kontinua iha forsa legál tomak.

Dispozisaun inválidu bele substitui ho dispozisaun foun ne'ebé aproxima liu ba objetivu no intensaun legál husi dispozisaun uluk.

Artigu 119

Renúnsia (Waiver)

Bainhira TIMOR GO la implementa direitu ida ka la halo asaun imediata ba violasaun ida, ida-ne'e la signifika katak TIMOR GO renunsia ba direitu legál refere.

Renúnsia ba direitu ruma de'it válidu bainhira halo ho forma eskrita no asinadu husi reprezentante autorizadu TIMOR GO.

Artigu 120

Dispozisaun Ikus

Termu no Kondisaun sira-ne'e, hamutuk ho Polítika Privasidade, Polítika Komunidade, Polítika Seguransa no dokumentu ofisiál seluk ne'ebé TIMOR GO publika, forma akordu kompletu entre TIMOR GO no Utilizadór.

Termu no Kondisaun sira-ne'e tama iha vigór iha data ne'ebé TIMOR GO publika oficialmente.

Pergunta, reklamasaun ka komunikasaun ofisiál kona-ba Termu no Kondisaun sira-ne'e bele haruka ba:

TIMOR GO

Website: https://www.timorgo.tl

Email: legál@timorgo.tl (bele muda bainhira email legál ofisiál ativa)

Support: support@timorgo.tl (bele muda bainhira sistema suporta ativa)

Enderesu: Dili, Timor-Leste (atu atualiza ho enderesu ofisiál kompanhia bainhira rejistu final remata)

Termu no Kondisaun sira-ne'e nu'udar dokumentu legál ofisiál TIMOR GO no aplika ba Utilizadór, Kondutór, Prestadór Servisu no Parte hotu ne'ebé uza Plataforma.